لفتت نظري جدا هذه المجموعة خاصة ان بكدة سيفورا بتكون سهلت علينا حكاية تجميع المنتجات بنفس اللون وخلتها كلها تكون بمجموعة وحدة. برضه هذه الكولكشن تأتي ضمن مجموعة الإصدارات المحدودة لسيفورا.
بنات زي منتم شايفين لون المارسالا لون جميل جدا و من السهل اننا نعمل منه لوكات كثيرة ومميزة سواء للطلات الصباحية لأن اكثر الأولان ترابية ولحمية أو مع شوية غليتر ودمج مع ألوان ثانية ممكن نحصل على إطلالة مسائية مميزة .
هذا هو اللون اللي اختارته شركة بانتون. طبعا هو مو بس للمكياج . لا كمان حتى للملابس و الأثاث و اكثر الموضات حتكون متاثرة بهذا اللون دي السنة.
تعالوا نستعرض مع بعض مكونات المجموعة :
أول شي هذا الباليت الرائع المكون من 24 لون تتراوح بين مات و غليتر و شيمر.. الباليت صراحة ألوانه مرة حلوة وممكن تعملي منه أكثر من إطلالة ملفته. لاحظي الألوان المكملة للون المارسالا وكيف روعتها معاه.
هذا الستيك عبارة عن ستيك معالج ومرطب للبشرة لكن الحلو أنه ضم ميزة المعالجة مع ميزة انه فيه لون خفيف من درجات المارسالا ينفع تستخدميه كوكنتور و يديك مسحة من اللون.
ماسكارا بلون المارسالا لإكمال الإطلالة وهي مسكارا مطولة و تثني الرموش. لونها قوي وغني
أيلاينر بلون المرسالا يساعدك في تغيير اللون وتعزيز لون الإطلالة .. يعني ممكن تستخدميه هو مع الماسكارا وتختاري ألوان شادو مختلفة ومكملة له .
فرشة بنهاية مشطوبة احترافية لتسهل عليك وضع الهايلايت والكونتور
الروج درجة وحدة الللي نزلت حاليا منه ( غير الأقلام ) . هذا الروج مات ولونه زي منتم شايفين روعة :)
ايش رأيكم يا بنات بالمجموعة واللي عندنها سؤال بخصوصها تكلمني
ليست هناك تعليقات:
إرسال تعليق